เนื้อเพลง ดาวอยู่หม่องเก่า โดย จา สิงห์ชัย

ดาวกะอยู่หม่องเก่าแม่นแนมบ่เห็น
ยามเซ้าแพ้แสงตะเวนแต่บ่เคยหายไป
อาจสิมีก้อนเมฆความเหงา ถูกพายุพัดมาบังไว้
พอก้อนขี้ฟ้าสลายกะแนมเห็นคือเก่า

ฮักที่อ้ายให้เจ้าแม่นแนมบ่เห็น
อาจสิเป็นลังเทื่อ อ่อนแรงย่อนเหงา
บวกกับลมเดียวดายกระโชกแรง
หรือแม่นอีหยังมาบังตาเจ้า
ยังคงพร้อมฮักเจ้าคือเก่า
แม่นแนมบ่เห็นกะซาง โอ้

หากคืนใดพายุกระหน่ำ
หากคนงามแนมบ่เห็นดาว
ให้หล่าจงฮู่ ว่าดาวกะอยู่หม่องเก่า
และยังคงทอแสงบ่จาง

หากมื่อได๋เจ้ามีน้ำตา
หรือเจ็บหยังมาจากไผกะซาง
ให้หล่าจงฮู่แม่นแนมเห็นพอลางๆ
นั่นล่ะคือฮักที่มอบให้นาง
ยังอยู่หม่องเก่าคือดาวเทิงฟ้า

อ้ายกะเป็นคือกัน
ยังอยู่ตรงนี้เฝ้ารอน้องหล่า
หากเจ้าเจ็บ เจ้ามีน้ำตา
กะสิเห็นว่ายังมีอ้าย

หากคืนใดพายุกระหน่ำ
หากคนงามแนมบ่เห็นดาว
ให้หล่าจงฮู่ ว่าดาวกะอยู่หม่องเก่า
และยังคงทอแสงบ่จาง

หากมื่อได๋เจ้ามีน้ำตา
หรือเจ็บหยังมาจากไผกะซาง
ให้หล่าจงฮู่แม่นแนมเห็นพอลางๆ
นั่นล่ะความฮักที่มอบให้นาง
ยังอยู่หม่องเก่าคือดาวเทิงฟ้า

ยังอยู่หม่องเก่า
ยังอยู่หม่องเก่า ฮู่